हप्ताको ६९ घण्टा लोडशेडिंग, अनि मुल्यमा २०% ले वृद्धि ! (With Loadsheding Schedule in English & Nepali)

नेपाल (अ)प्राधिकरणले साबिकको लोडशेडिंगलाई बढाउदै साताको ६९ घण्टा पुर्याएको २ दिन पनि बित्न नपाउदै अर्को समाचार आयो बिद्युतको साबिकको महसुलमा मुल्यमा २०% ले वृद्धि हुने रे ! ए बाबा यस्तो बेला बिद्युतको महसुल बढेपछी लोडशेडिंगले तताएको पारो अझ चढ्दै गएको छ भन्दा अत्योक्ति नहोला | उसै त लोडशेडिंगले जनता मारमा परिरहेको बेला (अ)प्राधिकरणले विद्युतको महसुल बढाएर जनताको मारको भार बढाएको छ | एकातिर दिनको १० घण्टा लोडशेडिंग हुँदा न बत्ति बलेको हेर्न पाइन्छ न टेलिभिजन हेर्न नै पाइन्छ अर्को तिर बत्तिको पैसा तिर्ने बेलामा उही पुरानै दरमा पनि अझ २०% थपेर तिर्नु पर्ने भएपछी हामी सोझा साझा जनता कतिको मारमा परेका छौ भन्ने ति प्राधिकरणका कर्मचारीहरुलाई के मतलब?? आखिर उनीहरुले तलब पाइरहेकै छन्, हाम्रो महसुल बाट भत्ता, कमिसन आदि कुनी के के पाई रहेकै छन् क्यारे ! त्यो पनि लोड शेडिंग हुने त हामी मध्यम स्तरीय तथा निम्न स्तरीय आम्दानी भएका जनताहरुलाई न हो कुनै ठुला नेता वा कर्मचारीको घरमा कहिले लोड शेडिंग हुन्छ र?? उनिहरुसंग त टन्न पैसा भै'हाल्छ जेनेरेटर/UPS जिन्दाबाद! पेट्रोलियम पदार्थ त जनतालाई न shortage हो पैसा हुने र पावर हुनेलाई के को shortage घरमा नै आइपुगीहल्छ नि | यस्तो अवस्थामा चाही ति झोले आन्दोलनकारी कता गएका होलान?? अनि ति दलका नेता भनौदाहरु के गर्दै होलान ?? नेपाललाई सिंगापुर बनाउने सपना बोकेका दाहाल दाई कता होलान??

लोडशेडिंगको तालिका पनि हेरौं |