Love, Sex और धोका !

हिन्दी फिल्म हेर्ने गर्नुभएको छ भने देवदासको रिमेक भनिएको Dev D पनि हेर्नुभएकै छ होला छैन भने पनि उक्त फिल्मको 'Love, Sex और धोका !' गीत त सुन्नुभएकै होला ! अहिले म जुन कुरा यहाँ उल्लेख गर्न लागेको छु त्यसको Situation र यो गित मिल्न जान्छ | कुरा हो आज अफिस बाट फर्कदै गर्दा बाटोमा सुनिएको बार्तालापको | हजुर म अफिसबाट घर फर्कदै गर्दा दुइजना केटाहरु म भन्दा अगाडी थिए | उनीहरुको बार्तालाप:
पहिलो: ह्या यार यो छप्की भन्ने चिज पनि कस्तो है'छ ! साला खाली धम्क्याउछ मात्रै यार ! आफुलाई यहाँ पैसा नभएर टेन्सन छ साला उसलाई खाली घुम्न जानकै चिन्ता छ !(यीनले अलिक अगाडी कसैसंग फोनमा कुरा गरेका थिए सायद फोनमा उनकी प्रेमिकाले घुम्न जाने प्रस्ताब राखेकी थिइन् होला |)

SLC Result-2067/2068

Today SLC board of Nepal has published the result of the SLC exam which was held on 2067 B.S.

प्रेम र बचन!

--नील खड्का--

माया गर्छु प्रिय बीचमै, छोड्छु भन्दिन !
पक्का हुन्छ वचन मेरो, तोड्छु भन्दिन !!

किन गरौं ठूला कुरा, हुनै नसक्ने !
मन जित्न हिमाल पहाड, फोड्छु भन्दिन !!

भन्न जस्तो पूरा गर्न, हुन्न सजिलो !
धर्तीलाई आकाशमा नि, जोड्छु भन्दिन !!

असारको चटारो

--नील खड्का--

सम्याउँदै खेतका गरा, छेउकुना कोप्नुपर्छ !
असारको चटारो छ, गाउँमा धान रोप्नुपर्छ !!

अभाव छ खेतालाको, गाउँका धेरै विदेशमा !
हिलो खेत जोत्नलाई, जुवामा प्वाल खोप्नुपर्छ !!

पर्म पनि जानैपर्छ, सजिलो हो आफैंलाई !
ठग्न खोज्छ मालेगोरु, पुच्छरमा घोप्नुपर्छ !!

चन्द्रग्रहणले गर्न सक्छ तपाइको सौभाग्यको सुर्योदय

मुलुकको धार्मिक, सामाजिक तथा राजनीतिक क्षेत्रमा ठूलो असर पार्नसक्ने मानिएको शताब्दीकै सबैभन्दा ठूलो खग्रास चन्द्रग्रहण आज मध्यरातबाट सुरु हुँदैछ। चन्द्रग्रहण वृश्चिक राशीबाट सुरु भई धनुराशीमा अन्त्य हुनेछ। हिमवत् खण्डको उत्तरी गोलार्द्धमा अवस्थित नेपाल वृश्चिक राशीमा र भारत धनुराशीमा रहेकाले बढीरुपमा नेपाल तथा भारतमा यसको असर पर्ने बताइए पनि साधकहरुका अनुसार सौभाग्याले आज अर्थात् 15 जून(असार १ ) मा यस्तो दुर्लभ मौका आउदै छ कि जहिले गरिएको ध्यानले सधखारुलाई चाडैं नै चाहेको सफलता मिल्न सक्नेछ, किनकि आज हुन गैरहेको चन्द्रग्रहण सबै भन्दा लामो र प्रभावशाली चन्द्रग्रहण हो भनिएको छ। चन्द्रमाले हाम्रो मन र बिचारलाई सिधै प्रभावित गर्ने शक्ति राख्दछ। ध्यानमा सफलता मिल्न पनि मनलाई नियन्त्रण गर्ने शक्ति हुनुका साथै बिचारलाई पूर्ण केन्द्रित गराउने शक्तिको अवश्यकता पर्दछ।

बैंककको यौन बजार

--राजेन्द्र ज्ञवाली
कोठाभित्रको दृश्य मेरा लागि अप्रत्याशितमात्र होइन अपत्यारिलो समेत थियो। मलाई आफ्नै आँखामा विश्वास लागेन। के ती दृश्यहरू साँच्चै थिए अथवा म कुनै वयस्क अंग्रेजी चलचित्र हेरिरहेको थिए।
काठमाडौंबाट हिँड्नु अघिल्लो दिन नै एक जना पत्रकार दाजुले आँखा झिम्क्याउँदै भनेका थिए-बैंकक हुदै जान लागेको रहेछौँ प्याटपङ्ग जान नबिर्सनु है। उनको भनाईको अर्थ मैले नबुझेको पनि होइन। र, जे त्यहाँ देखिरहेको थिएँ त्यसबारे नसुनेको पनि होइन। बैंककको रात्रि जीवनबारे धेरै पटक साथीभाइबाट सुनेको थिएँ, समाचार पत्र र यात्रा बृतान्तमा पढेको थिए। तर त्यस्ता दृश्यहरू प्रत्यक्ष देख्दा भने अनौठोमात्र होइन अविश्वसनीय लागेको थियो।

२०५६७ सालको भदौको महिनामा भियतनामको दानाङ्गमा हुन लागेको १६ वर्ष मुनिका खेलाडीहरूको एसियाली फुटबल छनोट प्रतियोगिताको समाचार संकलन गर्न म, अर्का पत्रकार सनेन्द्र माली र एन्फा पदाधिकारी महेश गुरुङ त्यता जाने क्रममा यौन बजारबारे विश्व प्रसिद्ध थाइल्यान्डको राजधानी बैंककमा थियौँ। हामी पुगेको अर्को विहानै २८ दिन अघिदेखि अभ्यासका लागि त्यहाँ रहेको नेपाली टोलीसँग दानाङ्ग तर्फ लाग्नुपर्ने थियो। तर टिकट नपाएकाले हामी तीन जनालाई थप दुई दिन बस्नुपर्ने भएको थियो।
दानाङ्गका लागि नउड्दासम्म दिनभरी हामीलाई बैंककमा नेपाली टोलीका लियाजन अफिसरले साथ दिने भएअनुरुप बेलुकासम्म बैंकक सहर घुमेका थियौँ।
लियाजन अफिसरले टाउन इन टाउन होटलको मुलद्वार नजिकै छाडेर गएपछि हामी भित्र नपसी केहीबेर त्यही कुरा गरेर बस्यौँ। दिनभरीको घुमाइले हो वा केले मेरो टाउको दुखिरहेको थियो।
अनि एक्कासी बैंककको यौन बजार घुम्न जाने प्रसंग आयो। मेरो टाउको दुखेकाले के गरौँ के गरौँ भएको थियो, तर होटलमा एक्लै बसेर पनि के गर्ने भनेर म पनि तयार भएँ र हामी ट्याक्सीमा प्याटपङ्गतर्फ लाग्यौं।

रक्सी र मासु (छोटकरि महात्म्य)

एउटा गीतमा राजु लामा भन्थे "नतानुँ त तानुँ लाग्ने तानेपछी मात्ने, मातेपछी जताततै लडिबुढी खेल्ने के गरुँ रक्सीको जातै यस्तो हो! यो जँडियाको जातै यस्तो हो।" साच्चै यो रक्सी भन्ने चिज पनि अचम्मको रहेछ। गीत देखी प्रितसम्म पनि यस्को महात्म्य सानो होइन। कारण गीत गाउने गायक फिल्ममा प्रित लाउने नायकसम्मले त्यही रक्सी नै पिएको देख्न सकिन्छ। केही सिनेमाहरुका गीतमा त अझ यस्तो पनि देख्न पाइन्छ कि जस्ले गर्दा त्यो गीत कुनै सिनेमाको नभएर कुनै रक्सीको बिज्ञापन हो। रैतिदेखी राजसी ब्यक्तिहरुसम्मा पनि आफ्नो स्तरअनुसारको रक्सी खान थालिसके। पहिला पहिला त बाहुन भन्ने जात रक्सी र मासुको नाम लिएपछी तर्सिन्थे तर अचेलका आधुनिक भलद्मी बाहुनहरु(केही अपवादबाहेक) रक्सी र मासु भनेपछी कुनै पार्टी, सेमिनर, वा गोस्टी छुटाउने त चान्स छैन। त्यसैले त अब हरेक पार्टी होस् या सेमिनार ब्रान्डेड रक्सी नपाउन च्याउ नखाने बाहुन पाउन भन्दा गार्हो पर्छ। हजुर जस्को सुकै जे सुकै होस् रक्सी र मासुबिनाको पार्टी, सेमिनार, गोस्ठी! अहँ सम्भवै छैन।

सुन्दर बन्द

--प्रकाश आस्था 
वास्तवमै सुन्दर छ बन्द! नेपालको 'राष्ट्रिय बाह्रमासे पर्व' बन्द रमाइलो छ। के कर्मचारी, के विद्यार्थी, के गुरु, के चेला, के राजासाब, के माड्साप, के गुरुजी, के खलाँसी, के साहुजी, के बाबुजी सबैको हितकारी छ यो बन्द। जसरी तीतै भएपनि करेला स्वास्थ्यको लागी अत्युत्तम तरकारी हो, उसैगरी लफडायुक्त भए पनि सर्वजन हितकारी छ बन्दवाण। स्वतन्त्रता, शान्ति, लोकतन्त्र, मानवअधिकार, संविधान, गणतन्त्र, स्वशासन र विकासका लागि त बन्द सर्वोत्तमै हो। मान्छेहरू हचुवामा बोल्छन्। पत्रिका र रेडियोमा आएको विवरणका आधारमा जन राष्ट्रलाई यतिउति दैनिक घाटा हुनेजस्ता हौवा फैलाउँछन्। के बिगार गरेको छ बन्दले?

बन्द हुँदा मोटर चल्दैन। बस चालक र खलाँसीहरूलाई त्यसै चैन। सधैँको हतपत र लतपतको जिन्दगी बाँचेका तिनलाई बन्दले ल्याउने सुगन्धका बारेमा बन्दविरोधी फेसबुकेलाई के ज्ञान? म्यारिजका खालमा बसेर प्यारीले अर्पण गर्ने तरंगे झोल तुइक्याउनुको आनन्द के पत्तो अरूलाई? मोटर नचलेपछि अफिसमा सेवाग्राही आउने कुरो भएन। अनि सरकारी तथा गैरसरकारी कर्मचारी बन्धुलाई पनि हाइसन्चो। उसै त 'सरकारी काम, कहिले जाला घाम' भन्छन्। अझ बन्दै भैदेपछि त काण्डै खत्तम। अफिसका पियनलाई बिहानै एक कल फोन गर्‍यो र पलङमा ढल्दियो। अफिस जानु के काम? घरमै बस्यो, गन्यो दाम।

उपनामको खोजीमा

मान्छे साँच्चै अचम्मको प्राणी हो जसलाई आफुसंग भएको भन्दा नभएको बस्तु चाहिन्छ | जुन चिज आफुसंग छ त्यो चिज महत्वहीन बन्न पुग्छ भने जे चिज आफुसंग छैन त्यै चाही महत्वपुर्ण हुन पुग्ने रहेछ | त्यस्तै आवस्था बाट अहिले म आफै गुज्रिरहेको छु ! किनकि मलाई मेरो इमेल नहुन्जेल इमेल बनाउने ठुलो इच्छा थियो इमेल बनेपछि बिस्तारै इन्टरनेटको दुनियामा प्रवेश भयो अनि सुरु भयो ब्लगिंग | यस क्रममा कति ब्लग बनाइयो कति अनि कति डिलिट गरियो त्यसको गणना के गर्नु र ? तपाइलाई लग्यो होला कति भूमिका बधिरा'को खुरुक्क भने भैहाल्यो नि ! 

थपौँ थपौँ संबिधानको मिती ! जे सुकै होस हामीलाई यत्रै सित्ती !!

खेर गए जान्छ जनताको रगत र पसिना थपौँ थपौँ संबिधानको मिती !

हामीलाई त भत्ता आउछ जस्ले जे भनोस, जे गरोस् हामीलाई यत्रै सित्ती !!

जनता आखिर भेडा नै हुन हाम्रै पछी आउछन !
एउटा सरकारी जागिर पाउन पनि हामीकैमा  धाउछन !!


संबिधान सभा छऊन्जेल त हाम्रो पनि मानै ठुलो !
कुट्नितिक राहदानी बेचेर इज्जतमा मिसाए पनि धुलो !!


जनताले मानेकै छन सभासद हो भनी !
जागिर लगाइदिने आश्वासन त दिन्छौँ नि घुस गनी गनी !!