वा हाम्रो देश अनि हाम्रो देशको सरकार ! हाम्रो देश जहाँ जागिर नपाएर मास्टर्स गर्दै गरेका बिद्यार्थी मर्छन, झिंगा मरे झैँ हुन्छ | तर एउटा जड्याहा मर्यो भने बरु सहिद घोषणा गरिन्छ र परिवारले क्षतिपूर्ति पाउछन | यस्तै छ यहाँको चलन | यहाँ बोल्नेको पिठो मात्रै हैन कुहिएको मकै पनि बिक्छ तर नबोल्नेको चामल त के बहुमुल्य गहना पनि बिक्दैन | हाम्रो देश जहाँ सुरक्षा व्यवस्था एकदमै कडा छ त्यहि दिनदिनै गोलि लगेर मानिसको हत्या हुन्छ, मानिस घाइते हुन्छन तर सुरक्षा निकायले कहिले पनि अपराधी सार्वजनिक गर्दैन | सार्वजनिक गर्छ त अपराधीको स्केच त्यो पनि अधुरो | हो यस्तै छ हाम्रो देशको हालत अनि यस्तै छ यहाँको चलन | अस्ति भर्खर मात्रै गोलि लागेर सर्वोच्चका न्यायाधिश राना बहादुर बम मारिए | लगत्तै अपराधी कालो पल्सरमा आएको भन्दै सबै काला पल्सरवालाहरुलाई पक्रदै पल्सर्लाई नियन्त्रणमा लिइयो | तर हात लग्यो शुन्य भएपछी सबैलाई छोडियो तर हत्याको ५/७ दिनपछि स्केच त सार्वजनिक गरियो तर नाक मुख र टाउको त देखिदैन देखिन्छ त खाली आँखा र निधार | अब कसलाई हत्यारा भनेर प्रहरीमा खबर गर्नु जनताले?? यो त भयो प्रहरीको सफलता असफलताको कुरा | तर यहाँ त प्रहरीलाई नै पनि बिश्वास गर्न गार्हो छ आज मात्रै खबर आयो प्रहरी नै अपराधिक संगठनमा सक्रिय रे ! अनि रंगेहात पक्राउ पनि परेछन | तर उनलाई के कारबाही हुन्छ र कहिलेसम्म हुन्छ थाहा छैन | उस्तै परे उनलाई कुनै कारबाही नहुन पनि सक्छ |
यहाँ यस्तै छ जसले हान्यो उसले जान्यो भन्ने उक्ति नै यहाँ लागु हुन्छ | बर्षौ दुख गरेर हजारौ लगानी गरेर पढ्यो पढ्यो लास्टमा जागिर नपाएपछी आत्महत्या बाहेक कुनै उपाय नदेख्ने युबक जति मुर्ख छन् उति नै बाध्य पनि रहेछन भन्ने कुरा उनले चारैतिर जागिरको लागि कोशिस गर्दा पनि जागिर नपाएकोबाट पुस्टि हुन्छ | यहाँ पढेर हुनेवाला केहि पनि छैन तर जसको मान्छे ठाउंमा पुगेका छन् उनीहरुले नपढे पनि जागिर र राम्रो तलब पनि पाउछन | त्यसैले नै हत्या, हिंसा जस्ता अपराध बढेका पो हुन् कि भन्ने यो पंक्तिकारको ठम्याई छ | बर्षौको लगानी खेर गएपछि त्यो लगानी उठाउन कि त अपराधिक गिरोहमा संग्लग्न भएर कमाउनु पर्यो, कि त महोत्तरी जिल्ला स्थायी घर भई विरगंजको रानीघाटमा डेरा गरि बस्ने २८ बर्षीय प्रविन भट्टले झैँ आत्महत्या नै गर्नुपर्यो | तर धेरै बेरोजगारले पहिलो बाटो रोज्छन किनकि दोस्रो बाटो रोज्नभन्दा पहिलो बाटो रोज्न उनीहरुको तातो रगतले उनीहरुलाई प्रेरित गर्छ | त्यसैले बढ्छ समाजमा अपराध |
सुनिन्छ कुनै ठाउँमा त घरको ढोकामा ताल्चा नै लगादैनन रे किनकि त्यहाँ छोरि गर्ने मान्छे नै हुदैनन् सबै जागिरे हुन्छन अनि कसको फुर्सद अपराध गर्न ?? अमेरिका कहिल्यै बन्द हुदैन किन त ?? त्यहाँ नेताको पछी लागेर नेताको पुच्छर बनेर हिड्ने फुर्सद भएका मानिस नै हुदैनन् त अनि कहाँ बन्द हुनु ?? तर हाम्रो नेपालमा न त चोरी नहुने सम्भावना छ न त नेपाल बन्द नै हुन छोड्छ | यो सबको कारण के त -बेरोजगारी नै सबैको कारण हो | बेरोजगारी नै अपराधको मुख्य कारण हो यस तर्फ नेता र सरकारले कहिले सोच्ला | बेरोजगारी घटाएर अपराधिक कार्यहरुलाई उन्मुलन बनाउनु नै सरकारको दायित्व हो | तर यहाँ त एकतिर नेताहरु आफ्नै सत्तालोलुपताका कारण बेरोजगारी घटाउने भन्दा बढाउने तर्फ लागेका छन् किनकि उनीहरुलाई जागिरे हैन बेरोजगार युवा चाहिएको छ जो उनीहरुको आन्दोलनमा ढुंगा मुढा गरुन | अनि कसले घटाउछ बेरोजगारी र कसले गर्छा अपराध नियन्त्रण?
0 comments:
Post a Comment
कृपया सल्लाह, सुझाव प्रदान गरेर सहयोग गरिदिनुहोला |