Monday, September 27, 2010

कुन हो हाम्रो धर्म ??


हामी मानिस प्राणीजगतका सर्वश्रेष्ठ प्राणी भै कन पनि हामी मुर्ख भएका यो पंक्तिकारको ठहर छ | किनकि हामीले मान्दै आएको हिन्दु धर्मलाई अहिले बिस्थापित गर्दै अन्य बिशेष गरि क्रिस्टियन धर्मको विकास हुन थालेको छ | थाहा छैन मानिस किन यति धेरै मुर्ख बन्छन | आखिर धर्म परिवर्तन गरेर जुन धर्म माने पनि त्यो धर्म परिवर्तन गर्ने मान्छेले आफु हिन्दु धर्मकै धर्मग्रन्थलाई शिरमा राखेर आएको किन बिर्सन्छ ? र मेरो धर्म यस्तो, मेरो धर्मले यस्तो राम्रो गर्छ, यो धर्म मान्यो भने त कहिल्यै दुख हुदैन, तेरो धर्म त यस्तो, तेरो धर्मले  यस्तो नराम्रो गर्छ त्यै भएर त फलाना धर्म किन मान्दैनस भन्ने खालका अभिव्यक्ति दिन समेत पछी पर्दैन मान्छे | हुन त यहाँ प्रस्तुत गर्ने बिषयको धर्ममा राजनीति संग कुनै सम्बन्ध छैन तर अहिले नेताहरु पनि धर्म र जाति मा राजनीति गरिरहेका छन् | यस्तै चाला हो भने हाम्रो देश पृथ्वी नारायण शाहको पल भन्दा अगाडी जस्तै बाइसे चौबिसे राज्यहरुमा परिवर्तन हुन बेर छैन | खैर यी कुरा भन्दा अलि फरक तर धर्ममा विविधताले जन्माएको एउटा प्रश्न छ मसंग जुन मैले प्रत्यक्ष देखेर आएको छु | अब लागु वास्तविक प्रसङ्ग तर्फ ....

 कुरा हो परिवारको र त्यसका सदस्य तथा तिनीहरुले मान्ने धर्मको | हजुर पंक्तिकारको छिमेकमा रहेको एउटा परिवारमा चार जना सदस्य छन् जहाँ आमा, २ छोरा र १ छोरीको सुखी परिवार देखिन्छ बाहिरबाट हेर्दा | तर भित्र भित्रै आमाले छोराको झगडा हुदो रहेछ धर्मको कुरालाई लिएर जब जब चाड पर्व आउछ तब तब छोरो चाही पनि अध्यारो मुख लागेर बस्दो रहेछ | कारण रहेछ के भने छोरोचाही क्रिस्टियन धर्ममा लागेको रहेछ अनि उसले आफ्नी बहिनीलाई पनि लगाएको रहेछ तर एउटा छोरो र आमाचाहिलाई यो सब मन परेको रहेनछ | अनि कुरा बहिनिचाहिको, बहिनिचाही रहिछे सानी उसलाई चर्च जान मज लाग्दो रहेछ भने चाडपर्वमा आमासंगे हिड्दी रहिछा अनि आमाकै अनुसरण गर्दिरहिछ तर दाइचाहिलाई यो कुरा मन नपर्ने रहेछ कारण क्रिस्टियन हरु रातो टिका लगाउन नहुने मान्यता राख्ने गर्दा रहेछन | यहासम्म त सामान्य झाडाको कुरा हुन्छ तर कुरा आउछ मृत्यु पश्चात गरिने अन्तिम कार्यको ! अब अन्तिम कार्य गर्दा कुन धर्म अनुसार गर्ने क्रिस्टियन भन्छ मेरो धर्मअनुसार आमाको  अन्तिम कार्य हुनु पर्छ | अनि हिन्दु धर्म मान्ने चाही भान्छा आमाले पनि हिन्दु धर्म मान्थिन भने आमाको अन्तिम कार्य हिन्दु धर्म अनुसार हुनुपर्छ | अब यहाँ हुन्छ दाजुभाई बिचमा झगडा जसले नराम्रो असर गर्छ भातृत्वको सम्बन्धमा | अब ति दुइको आमाको अन्तिम कार्य कुन धर्म अनुसार गर्ने त ??? 

0 comments:

Facebook Blogger Plugin: Bloggerized by merothinking.blogspot.com Enhanced by merothinking.blogspot.com

Post a Comment

कृपया सल्लाह, सुझाव प्रदान गरेर सहयोग गरिदिनुहोला |